| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 42.23 | Dem. 42.27 (English) | >>Dem. 42.29 |
42.25ἄξιον ἀφεῖναι νῦν αὐτόν ἐστιν , ἐπειδὴ χρήσιμος καὶ φιλότιμος καὶ τῇ οὐσίᾳ καὶ τῷ σώματι ; πολλοῦ γε καὶ δεῖ . καλῶν γὰρ κἀγαθῶν ἐστι δικαστῶν τοὺς μὲν τῶν πολιτῶν ἐθελοντάς , ὅταν εὐπορῶσι , λῃτουργοῦντας καὶ ἐν τοῖς τριακοσίοις ὄντας ἀναπαύειν , ὅταν τούτου δεόμενοι τυγχάνωσιν , τοὺς δὲ νομίζοντας ἀπολλύειν , ὅταν εἰς τὸ κοινόν τι δαπανήσωσιν , ἄγειν εἰς τοὺς προεισφέροντας καὶ μὴ ἐπιτρέπειν δραπετεύειν . λέγε πρῶτον μὲν τὴν μαρτυρίαν , ἔπειτα τὴν ἀπόφασιν αὐτοῦ .ἔα ταῦτα . καίτοι πολλὰ τῶν ἔνδοθεν ἐκφορήσας , ὦ ἄνδρες δικασταί , Φαίνιππος , ἀνοίξας τὰ παρασεσημασμένα τῶν οἰκημάτων , ὡς ὑμῖν μεμαρτύρηται , καὶ καταλιπὼν ὅσα ἔδοξεν αὐτῷ , δευτέρῳ μηνὶ τὴν ἀπόφασιν ἔδωκέ μοι τῆς οὐσίας . ἀλλʼ ὅμως ἔα ταῦτα . λέγε δʼ ἐντευθενί “ἐπὶ τούτοις τάδε ὀφείλω .”ἐπίσχες . αὕτη ἐστίν , ὦ ἄνδρες δικασταί , ἡ Ἀριστονόη τοῦ Φιλοστράτου θυγάτηρ , μήτηρ δὲ τουτουί . ταύτῃ χρέως φησὶν ὀφείλεσθαι Φαίνιππος τὴν προῖκα , ἧς οἱ νόμοι κύριον τοῦτον ποιοῦσιν , ψευδόμενος καὶ οὐ δικαίως χρώμενος τῇ ἀποφάσει . διὰ τί γὰρ ἐγώ , Φαίνιππε , μενούσης μοι τῆς μητρὸς ἐν τῷ οἴκῳ καὶ ζώσης καὶ προῖκα ἐπενεγκαμένης , οὐκ ἀπογράφω τὴν προῖκα χρέως αὐτῇ , οὐδὲ παρακρούομαι τοὺς δικαστάς , ἀλλʼ ἐῶ μετέχειν τῶν ἐμαυτοῦ τὴν μητέρα , ἄν τε τὴν Φαινίππου ἄν τε τὴν ἐμαυτοῦ ἔχω οὐσίαν ; ὅτι οἱ νόμοι ταῦτα κελεύουσιν , ὦ βέλτιστε · σὺ δὲ πάντα ποιεῖς παρὰ τοὺς νόμους . λέγʼ ἕτερον .
Μαρτυρία
Ἀπόφασις
42.26
Ἀπόφασις
42.27
Ἀπόφασις
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 42.23 | Dem. 42.27 (English) | >>Dem. 42.29 |
